الجزء الثاني طبخ وصناعة الليكود DIY E-LIQUID

لاحظت إنه يمكن من الحاجات اللى بتشغل ذهن أي يوزر بيكون حابب بيتدى يعمل داى ( DIY ) و يطبخ لنفسه

و الأسئلة أو خلينا نقول التخوفات بتكون في إتجاهين :

1- المواد الخام اللازمة للطبخ .

2- التكلفة الفعلية مقابل الجوده النهائية .

خلينا نتفق مبدأياً أن جزء كبير من كلامى ، إتسأل عنه مليون مره قبل كده ، و الخبراء الأفاضل ردوا على الإستفسارات دى في كل الجروبات مش جروبنا المحترم فقط ، ألا و هو المواد الخام ، علشان كده مش هتكلم عنه هنا .

انا هنا عايز أتكلم عن التكلفة الفعليه مقابل الجوده

للأسف فيه مفهوم غريب منتشر ، ان علشان تقدر تشرب حاجه محترمه تعجبك ، لازم تعمل ريسيبى مكونه من فلافورز كتييييير

خلونا نتكلم بالمنطق ، حضرتك مبدأياً محتاج تعرف مبدأيا إيه البروفايل اللى عايز تشربه

حدد عايز تشرب إيه ، إيه نوع التوباكو الأساسى مثلاً و الفروق ما بينهم ، عايز تكسره بطعم إيه ( كراميل ، فانيليا ، قهوه ، مكسرات ،....إلخ ) ، لأ انا بحب الفواكه ، مخبوزات أو أياً كان ذوق حضرتك

الريسيبى بتكون من فليفور أساسى ، فليفور داعم ، محسنات

مثلاً : توباكو كراميل

ممكن تعمله بثلاثة أو أربعة فليفورات ، أو تعمله بعشرين فليفور

حضرتك كواحد لسه هبتدى جديد يعمل داى ( DIY ) و يطبخ لنفسه ، ليه أبدأ بريسيبى معقده و مكلفه ؟

أغلب الشيفات المحترمه و العظام بيقولوا ممكن تطلع اللى انت عايزه بدون تعقيد

-------------------------------------------------

Tobacco Caramel :

 RY4 10.00%

 Bavarian Cream 2.00%

 Caramel Original 2.00%

 French Vanilla 1.00%

 Sweetner 1.00%

Tobacco Caramel 2

 Soho 10.00%

 Gold Ducat 2.00%

 Vanilla Tahiti 2.00%

 Caramel 1.00%

RY4 Vanilla Caramel

 RY4 Double 10%

 Caramel Candy 5%

 Vanilla Swirl 5%

دول مثال صغير ، و الأمثلة لا تعد ولا تحصى

و كل واحده هتديلك بروفايل مميز و مختلف ، و بإستخدام فليفورز قليله ، و بالتالى حضرتك مش بتصرف كتير على تجهيز الريسيبى

اللى عايز أوصله لحضراتكم ، إنك ممكن توصل لشىء مرضى جداً  من غير ما تكون مكلف نفسك كتير ، وفى نفس الوقت لو بتشترى فليفورات ، ممكن تعمل تباديل و توافيق لخلق كذا ريسيبى من غير ما تشترى مكتبه كبيره ( إلا لو حضرتك بتشترى شوتات جاهزه )

و هتلاقى كم ريسيبيهات موفره كتير تحققلك اللى نفسك فيه ، و جربهم ، و زى ما دايماً بنقول و بننصح ، أرجوك جرب في كمية صغيره الأول

مبدأياً البروفايل هيكون هايل بإذن الله ، و ساعتها كل واحد هيطلع الشيف اللى جواه و يجود و يحسن براحته

بمعنى ، أنا الطعم عاجبنى بس عايز أعلى بطعم المكسرات  ، محتاج أخف الكراميل  ، محتاج أزود التسكير ، ما تيجى كده نجرب بالبسكوت و الكوكيز  ، يا سلام لو سنة غمقان و طعم حرق

و إبتدى عدل ، زود و نقص ، حط فليفور كمان بحيث أدمجه مع البروفايل الأساسى و أطلع حاجه جديده خالص  تلائم ذوقك الشخصى البحت

و دى أصلاً أكبر ميزه في الداى ( DIY ) ، انت شيف نفسك ، بتشرب اللى على هواك انت بالمللى ، مش اللى موجود جاهز كمنتج من لاين او حتى ريسيبى موجوده

الكلام ده علشان يتحقق ، مطلوب من حضرتك كام حاجه :

- أرجوك أرجوك أرجوك ، بلاش تجيب ريسيبيهات مجهولة الهوية و المصدر ، و خصوصاً لو من موقع ( Fumonoid ) .

- عندك على كل الجروبات ريسيبيهات متجربه و ممتازة واشهرهم V بالعربي على فيسبوك ، و هنزل بأمر الله في المدونه هنا ملفات مثبته فيها ريسيبز مجربه و مضمونه و متنوعة ، و ملف إكسيل هيسهل عليك لك حساب الكميات حتى لو هتعمل 10 مللى .

- القراءة ، اقرأ عن وصف كل فليفور ، علشان لما تيجى تطبخ ، أو لو حابب تعدل ، تبقى عارف إيه هيحققلك الطعم اللى في دماغك ، و نسب إستخدامه إيه .

- أخذ الرأي ، خد رأى الشيفات المعروفين وممكن تكلمنا نساعدك.

في النهايه احنا بس حابين نوصل فكرة إن الداى مش لازم تتكلف فيه كتير علشان تكون مرضى.